Hajrulla Çeku, kandidati që fton për debat, por guxon vetëm në studio që e miraton partia

Kandidati i VV-së për Prishtinë, Hajrulla Çeku nuk do të marr pjesë në debatin e 6 tetorit kundër kandidatëve të partive tjera.

Kështu ka lajmëruar zëdhënësi i VV-së, Arlind Manxhuka, përkundër që Çeku ditë më parë i kishte kërkuar kandidatit të LDK-së, Përparim Rama që të zgjedh datën e studion për debat, transmeton lajmi.net.

Debati i 6 tetorit do të mbahet në studion e emisionit “Rubikon” që transmetohet në Klan Kosova.

E, VV po e shet si arysetim se nuk shkon në debatet që mbahen në studiot e Klan Kosovës.

Kjo na sjell tek disa çështje: A po vendos partia për Çekun? A do të i ketë duart e lira për qeverisje nëse fiton në Prishtinë për të vendosur apo përsëri partia do të vendos për të?

Ditë më parë, kandidati i VV-së i kërkonte Përparim Ramës të caktonte datën e studion për debat, por tash duket se është penduar dhe po e dëgjon partinë e tij.